Google Analytics

Tuesday 3 February 2015

هوجة الهالويين

30 أكتوبر 2014

في نفس الوقت ده من السنة من حوالي سنتين بتحصل هوجة الهالويين و الظريف في الموضوع ده ان المصريين في مصر ابتدوا يعملوا زي الغرب و يلبسوا ملابس الهالويين (و دي حاجة مكانتش موجودة ايام ما انا كنت في مصر من ٣ سنين). واضح ان الناس عايزة اي مناسبة تعمل فيها اي حاجة مختلفة تفرفشهم و دي حاجة كويسة من وجهة نظري
الملفت للنظر ان في نفس الوقت في كندا و الغرب، مصريين كتير بيحاولوا يحاربوا الاحتفال ده و شايفينه احتفال ليه خلفية غلط و لازم الناس تبطل تحتفل بيه لدرجة ان الكنيسة بتعمل احتفال في الكنيسة و سميت اليوم ده عيد كل القديسين عشان تحاول محو عيد الهالويين
من وجهة نظري، موقف الناس اللي في الغرب اللي بيهاجم الهالويين هو بالضبط نفس موقف الإسلاميين المتشددين في مصر اللي بيهاجموا مشاركة المسلمين في أعياد غير المسلمين زي شم النسيم مثلا
الظريف في الموضوع ده ان المصريين اللي في الغرب اللي ضد الهالويين بيهاجموا المسلمين المتشددين اللي ضد الاحتفال بأعياد غير المسلمين و شايفنهم متطرفين و ضد التعايش مع الاخر و كل الكلام ده اللي بيطلع في مواسم أعياد غير المسلمين في مصر
طبعا الهالويين بالنسبة للعالم كله هو فرصة ذهبية لبيع الكاندي و الملابس التنكرية و دي من وجهة النظر الاقتصادية البحتة و مالهاش اي علاقة من قريب او بعيد بالاعتقادات الدينية زي اي احتفال تاني زي الفالنتين و الكريسماس و عيد الشكر. الكل بيقلب عيشه و عايز يبيع بضاعته بتاعة كل موسم و اهو الناس برضه عايزة تنبسط و تحتفل و بتلاقي الأعياد دي فرصة ظريفة عشان العائلات تتلم و تقضي وقت ظريف مع بعض

Posted by at

No comments:

Post a Comment

Subscribe to: Post Comments (Atom)