Google Analytics

Tuesday 3 February 2015

السيسي بيقول إن مبارك السبب

20 ديسمبر 2014

من التصريحات المستفزة اللي بقيت بتطلع علينا كل شوية كلام السيسي للمثقفين لما قال لهم "مبارك خرب البلد.. ومصر عاملة زي العربية السيات"
أنا بصراحة مش فاهم هو إزاي ليه عين يقول الكلام ده. هو السيسي ده مش ابن النظام بتاع مبارك و كان رئيس المخابرات الحربية وقت مبارك و واضح أداء الجيش على ايده و ايد امثاله من جنرالات الجيش اللي وصلوا الجيش لحالة مذرية على الاخر؟؟
هو بكلامه ده فرق إيه عن أي مواطن تاني في مركز غير قيادي بيدعي على حكامه الفسدة اللي خربوا البلد؟؟ هو مش واخد باله إنه رئيس الجمهورية حاليا و في ايده سلطات تشريعية يقدر يعمل بيها قوانين تحارب الفاسد اللي موجود في كل حتة من ايام مبارك و اللي قبله؟؟
هو مش واخد باله إنه هو شخصيا ميفرقش أي حاجة عن مبارك او أي رئيس عسكري مش فاهم حاجة غير الامر و التنفيذ و اعتقال أي حد يعارضه؟؟
هو بيقول إن مصر دلوقتي عاملة زي العربية السيات و مكنش واخد باله إن مصر قبل 1952 كانت حالتها أحسن بكتير من حال مصر دلوقتي و كله بسبب شوية شخصيات عسكرية ميعرفوش إزاي يديروا بلد بطريقة سليمة و يحترموا القانون و يطبقوه على نفسهم قبل ما يطبقوه على غيرهم؟؟
هو ميعرفش إن في عصره, حصلت كوارث ومهازل و جرائم من أجهزة الدولة المختلفة و محدش اتحاكم على أي جريمة عملها و لا نسي فضيحة الكفتة اللي هو أول مسؤول فيها بصفته وزير الدفاع اللي سمح بمهزلة زي دي؟؟
يا ريت الراجل ده يعترف إنه عاجز عن فعل أي شيء بدل الكلام اللي مالوش أي توصيف محترم.

No comments:

Post a Comment