29 ديسمبر 2014
بنسمع اليومين دول كلمة مشهورة لما أي حد يعمل أي حاجة مش على مزاجنا فنقول إن اللي بيعمله ده مش في "صحيح الدين".
كلمة "صحيح الدين" دي لازم تختفي من قاموسنا عشان فهم الدين ده حاجة نسبية تماما و الشخصيات الدينية التاريخية شخصيات مختلفة في الطباع و الافكار و كل واحد فيهم اتصرف في الماضي على حسب شخصيته وتربيته و البيئة اللي طلع منها و عشان كده سهل قوي نلاقي أفعال كتير متناقضة مع بعضها في تاريخ أي دين و للاسف المصريين المسلمين و المسيحيين النسبة الغالبة منهم سلفيين يعني ماشيين على خطى الأسلاف و عادي جدا ممكن تلاقي مواقف متناقضة في ظروف متشابهة من شخصيات تنتمني لنفس الدين و عشان كده كل واحد متدين اليومين دول ممكن يمسك كام مثال لاحداث تاريخية حصلت قبل كده عشان يحس إن اللي بيعمله صح و من صحيح الدين (من وجهة نظره طبعا) اللي في نفس الوقت ممكن جدا تلاقي واحد غيره شايف إن اللي بيعمله مش من صحيح الدين عشان عنده امثلة تانية لاحداث تاريخية أو اقوال لناس تاريخية تانية بتقول عكس الكلام ده.
و عشان كده لقينا إن أي دين تشعبت منه مذاهب و طوائف مختلفة و كل طائفة شايفة إنها الوحيدة اللي تملك الحقيقة الكاملة و هي اللي عارفة صحيح الدين و حتى على مستوى الأفراد المتدينين من نفس المذهب, كل واحد شايف انه ماشي على صحيح الدين في نفس الوقت اللي غيره شايف حاجة تانية.
#الدين_وجهات_نظر
#السلف_اختلفوا_مع_بعض
#صحيح_الدين_حاجة_نسبية_تماما
#مفيش_حاجة_اسمها_صحيح_الدين
No comments:
Post a Comment