29 ديسمبر 2014
تحيا مصر
كلمة بقيت بتتقال كتير اليومين دول من ناس كتير و بيقولوها بفخر, و أنا بصراحة مش فاهم هم بيقولها ليه مع إني شايف إن المفروض نتكسف نقولها بفخر قوي اليومين دول.
اللي اعرفه أن مصر زيها زي أي بلد هي عبارة عن المواطنين اللي فيها اللي بينتموا ليها. معرفش إيه سر الفخر اللي بينتاب بعض الناس وانا بشوفهم بيقولوا "تحيا مصر"
- اقول تحيا مصر بفخر إزاي و فيها نظام حكم مفيهوش ريحة العدل و المساواة و الضعيف مالوش أي تمن و اللي مسنود بيطلع براءة بالرغم من جرايمه المعروفة؟؟
- اقول تحيا مصر بفخر إزاي و اغلب المصريين مش طايقين بعض وعايزين يخلصوا من خصومهم و أي حد بيتأذي نلاقي ناس بتشمت فيه؟؟
- اقول تحيا مصر بفخر إزاي و تقريبا كل معارفي واصحابي اللي جوه البلد عايزين يطفشوا منها و اللي برة مصر مش قادر يرجع يعيش فيها؟؟
- اقول تحيا مصر بفخر إزاي و مصر فيها نظام صحي فاشل بيخلي الناس مرعوبة وهي رايحة أي مستشفي لحسن تدخلها و متطلعش منها سليمة و اللي معاه فلوس بيروح يتعالج برة و الفقير بيموت برة المستشفى عشان معوش فلوس للعلاج؟؟
- اقول تحيا مصر بفخر إزاي و مستوى التعليم في البلد من ادنى المستويات العالمية و اغلب الناس بقوا مؤمنين بخزعبلات ملهاش أي أساس؟؟
- اقول تحيا مصر بفخر إزاي و أي إنسان ماشي في الشارع ممكن يحصل له أي حاجة ومفيش أي حد بيحميه و كل واحد ماشي بدراعه في البلد و القوي بيهرس الضعيف؟؟
- اقول تحيا مصر بفخر إزاي و الستات و البنات ميقدروش يعيشوا حياتهم بطريقة طبيعية في بلدهم بسبب التحرش اللي بقى موجود في كل مكان و في كل المستويات؟؟
- اقول تحيا مصر بفخر إزاي و في البلد ناس كتير مش لاقية تاكل و بتجيب اكلها من الزبالة؟؟
- اقول تحيا مصر بفخر إزاي و اغلب المصريين مش طايقين بعض وعايزين يخلصوا من خصومهم و أي حد بيتأذي نلاقي ناس بتشمت فيه؟؟
- اقول تحيا مصر بفخر إزاي و تقريبا كل معارفي واصحابي اللي جوه البلد عايزين يطفشوا منها و اللي برة مصر مش قادر يرجع يعيش فيها؟؟
- اقول تحيا مصر بفخر إزاي و مصر فيها نظام صحي فاشل بيخلي الناس مرعوبة وهي رايحة أي مستشفي لحسن تدخلها و متطلعش منها سليمة و اللي معاه فلوس بيروح يتعالج برة و الفقير بيموت برة المستشفى عشان معوش فلوس للعلاج؟؟
- اقول تحيا مصر بفخر إزاي و مستوى التعليم في البلد من ادنى المستويات العالمية و اغلب الناس بقوا مؤمنين بخزعبلات ملهاش أي أساس؟؟
- اقول تحيا مصر بفخر إزاي و أي إنسان ماشي في الشارع ممكن يحصل له أي حاجة ومفيش أي حد بيحميه و كل واحد ماشي بدراعه في البلد و القوي بيهرس الضعيف؟؟
- اقول تحيا مصر بفخر إزاي و الستات و البنات ميقدروش يعيشوا حياتهم بطريقة طبيعية في بلدهم بسبب التحرش اللي بقى موجود في كل مكان و في كل المستويات؟؟
- اقول تحيا مصر بفخر إزاي و في البلد ناس كتير مش لاقية تاكل و بتجيب اكلها من الزبالة؟؟
اللي بيقول تحيا مصر و فرحان بيها قوي, يا ريت يفهمنا هي مصر دي إيه في نظره عشان في نظري مصر حالها يقطع القلب دلوقتي.
ملحوظة مهمة, الاخوان يلتزموا الصمت عشان مصر على ايدهم مفرقتش خالص عن دلوقتي و مكانش عندهم مشكلة يعيشوا مع الفساد طول ما في ايدهم السلطة ومصلحة جماعتهم متحققة و ده اللي وصل البلد لوضعها الحالي.
No comments:
Post a Comment