Google Analytics

Tuesday 3 February 2015

بعض المفاهيم الخاطئة عن الديمقراطية

23 ديسمبر 2014

بعد مناقشة طويلة مع شخص مرعوب من الاسلاميين مع اقتناعه التام أن النظام الحالي نظام قمعي و فاسد, اكتشفت إن فيه قطاع كبير من الناس مؤمن بشوية حاجات اتزرعت في دماغه و من وجهة نظري مش مظبوطة. الحاجات دي زي:
الديمقراطية هي حكم الاغلبية‬:
اغلب الناس شايفة إن الديمقراطية معناها حكم الاغلبية و دي حاجة مش مظبوطة قوي. احنا شوهنا معني الديمقراطية بالجملة دي. الديمقراطية هو نظام حكم الشعب بالشعب و آليات و قوانين تضمن حقوق الأضعف و تحميهم بقوة القانون.
‫‏الشعب غير جاهز للديمقراطية‬:
أنا مش فاهم ليه الناس مصدقة الكلام ده مع إن الشعب المصري زيه زي اي شعب في الدنيا و لو طبقت قواعد الديمقراطية صح و في وجود حرية تعبير و عدم قمع المعارضة الشعبية و اعتبار الرئيس موظف في الدولة مهمته خدمة المواطنين مع تطبيق القانون على الجميع بنفس المعيار, هتلاقي الشعب مشي كويس و احترم النظام و فيه مثالين علي الكلام ده:
١- المصريين اللي بيسافروا في اي بلد بغض النظر عن مستواهم الاجتماعي او الثقافي، بيلتزموا بقوانين البلد و بيحترموها
٢- المصريين بيحترموا اي قانون يطبق و يكون عادل داخل بلدهم و اتفرج علي طوابير العيش في مصر بعد تطبيق نظام التموين الجديد و بطاقة العيش و هتلاقي ان الناس أصبحت تحترم الطابور و ده عشان النظام احترمهم و اداهم حقهم
طبعا المناقشة كانت بتدور في دوائر ملهاش آخر محورها رعب الطرف التاني من الاسلاميين مع اعترافه إن اغلب الشعب انتخب السيسي كرها في الاخوان!

No comments:

Post a Comment