27 يناير 2015
لو فعلا مش عايزين مصر توصل لمصير سوريا و العراق و ليبيا و اليمن، دوروا علي اصل المشكلة و حلوها.
اصل المشكلة الأزلية اللي حصلت لمصر كتير قوي هو غياب العدل من الحاكم فالناس بتوصل لمرحلة من اليأس يخليها تقبل بأي حاجة تخلصها من الحاكم الظالم. حصلت في مصر كتير و علي سبيل المثال:
- المصريين رحبوا بعمرو بن العاص عشان يخلصوا من ظلم الرومان
- المصريين رحبوا بالعباسيين عشان يخلصوا من ظلم الأمويين
- المصريين كانوا مرحبين بالألمان و هتلر عشان يخلصوا من الإنجليز
- المصريين رحبوا بالعباسيين عشان يخلصوا من ظلم الأمويين
- المصريين كانوا مرحبين بالألمان و هتلر عشان يخلصوا من الإنجليز
و غيرها من الأحداث المشابهة في بلاد تانية كتير لما الظلم بيزيد، الناس بتدور علي اي حاجة عشان تخلص بيها من الظلم القائم و للاسف في معظم الأحيان بيكون الطرف الحاكم الجديد ظالم برضه و يظل الشعب في نفس الدائرة من الظلم المستمر.
اللي عايز يحافظ علي مصر من مصير الدول اللي داعش سيطرت عليها يطالب النظام الحالي بإقرار العدل و تطبيق القانون بمساواة علي الجميع و تحقيق العدالة الاجتماعية للجميع و الا توقعوا الانفجار قريبا بس بلاش ساعتها تقولوا ان محدش قالنا احنا وصلنا لكده ازاي.
اتمني ان يغير السيسي من سياسته سريعا و ان كنت أشك تماماً في هذا لإنه لا يستطيع ان يعترف بأي خطأ ارتكبه.
بصوا علي السبب في انهيار مصر و بلاش تلوموا الطرف الأضعف. الطرف الاقوي في حالتنا هو النظام الحالي اللي كان اغلب الشعب مؤيده بنِسَب تاريخية تتعدي ال ٩٧٪ و للاسف مش عارف يحافظ علي نسبة التأييد ده و شعبيته بتقل مع الوقت عشان اجبن من انه يحاكم اي شخص في السلطة علي اي جريمة بيعملها و للاسف الجرائم كتير و بقيت بتحصل بمعدلات أسرع و اكتر مع مرور الوقت
No comments:
Post a Comment