Google Analytics

Wednesday 4 February 2015

رسالة للعقلاء من المسلمين

14 يناير 2015

بوست موجه للمسلمين العقلاء اللي مش عاجبهم اللي بيحصل من أي حد ينتمي للإسلام و يقوم بأفعال لا تمت للاسلام بصلة.
للاسف أي احداث مؤسفة من الطرف الاخر اللي بيعمل حاجات غلط من وجهة نظركم بتسيء للاسلام بعكس ما اغلبكم بيقولوا عشان بكل بساطة اللي بيعمل الغلط بيستخدم أحاديث و ايات و احداث دينية هو مفسرها بطريقة تخدم اهدافه و ده بيترجم بتلقائية على إنه من الاسلام, و أنا عارف انكم مش موافقين على ده بس للاسف سكوتكم أو محاولة دفن رؤوسكم في الرملة و غسل ايدكم من الناس دي مش كفاية و اعتقد إن المطلوب منكم هو ايجاد طريقة لمواجهة الفكر الأصولي الديني التكفيري اللي بيلجأ للعنف و لو الازهر أو أي مؤسسة دينية اخري هي مصدر الكلام ده, لابد من توجيه نظركم للأزهر أو أي مصدر من المصادر دي و محاولة تغيير اتجهاتهم في الاتجاه الصحيح من وجهة نظركم و ألا سيظل الاسلام متهم مع حدوث أي جريمة تتم على يد أي إنسان مسلم لأنه بيعمل كده و الجهة اللي وراه بتستشهد بكلام الدين.
المسؤولية كبيرة عليكم من وجهة نظري في مواجهة الارهاب الديني اللي موجود في كل حتة دلوقتي و أكيد كلكم شايفينه.
محاولة تبرير اللي بيحصل و ايجاد أي مبررات عن طريق نظريات المؤامرة للاسف لا يجدي و دي كلمة حق من شخص بيحاول يبص على اللي بيحصل بطريقة محايدة لأكبر درجة.
و شكرا لسعة صدركم

No comments:

Post a Comment