18 ديسمبر 2014
من الأخبار اللي أنا شايفها خطوات منطقية السيسي ماشي عليها هي انه استحدث فئة «معاونو اﻷمن» بالشرطة من حملة «الإعدادية» و منحهم الضبطية القضائية. الصراحة ده خبر عادي جدا ومنطقي جدا في ظل الوضع الحالي اللي محتاج تحجيم اكبر لأعداء الدولة المصرية, و للعلم اعداء الدولة المصرية في نظر السيسي و نظامه هم المواطنين اللي مش عاجبهم النظام الحالي و عايزين يغيروه بنظام أحسن بعكس اللي ممكن ناس كتير تتخيله إن اعداء الدولة في نظر السيسي هم الارهابيين عشان ببساطة الارهاب هو أحد اهم اسلحة السيسي لتخويف الشعب المصري و اقناعه إن وجوده حتمي وضروري.
السؤال المهم, هو ليه السيسي هيجيب ناس من حملة الاعدادية ومش هيجيب ناس متعلمة و ده سؤال سهل من وجهة نظري و هو إنه محتاج ناس عقلها فاضي مش متعلمة تعليم عالي عشان يعرف يشكلهم بالطريقة اللي عايزها من غير تعب في اقناعهم باللي عايزه منهم.
الموضوع ده بيفكرني بالمجندين اللي بيختاروهم في الأمن المركزي. بيجيبوا دايما الناس اللي بيتأكدوا من إن عقلهم فاضي تماما. أنا فاكر نكتة كانت بتتقال على طريقة اختيار رجالة الأمن المركزي وهي انهم بيجيبوا المجندين العادة (اللي معهمش شهادات عليا) و يقولوا لهم اللي بياكل بايده اليمين يروح يمين و اللي بياكل بايده الشمال يروح شمال و بياخدوا اللي يفضل منهم في النص.
احمد زكي جسد الشخصية دي في فيلم البريء لما عمل شخصية احمد سبع الليل و الفيلم ده بيبين إن سهل جدا اقناع أي واحد جاهل بإن المخالف لرأي النظام هو خاين و عدو للدولة.
السيسي لازم يربي اجيال جديدة من الكلاب المخلصة ليه و لنظامه بس بشرط يكونوا بدماغ فاضية عشان يملاها هو براحته و يطلع للبلد دفعات جديدة من احمد سبع الليل كل هدفهم حماية نظام السيسي من أعداء الدولة اللي بيطالبوا بحاجات وحشة زي تطبيق القانون و تحقيق العدل والمساواة بين الناس و محاربة الفساد.
#احمد_سبع_الليل_لسة_عايش
السؤال المهم, هو ليه السيسي هيجيب ناس من حملة الاعدادية ومش هيجيب ناس متعلمة و ده سؤال سهل من وجهة نظري و هو إنه محتاج ناس عقلها فاضي مش متعلمة تعليم عالي عشان يعرف يشكلهم بالطريقة اللي عايزها من غير تعب في اقناعهم باللي عايزه منهم.
الموضوع ده بيفكرني بالمجندين اللي بيختاروهم في الأمن المركزي. بيجيبوا دايما الناس اللي بيتأكدوا من إن عقلهم فاضي تماما. أنا فاكر نكتة كانت بتتقال على طريقة اختيار رجالة الأمن المركزي وهي انهم بيجيبوا المجندين العادة (اللي معهمش شهادات عليا) و يقولوا لهم اللي بياكل بايده اليمين يروح يمين و اللي بياكل بايده الشمال يروح شمال و بياخدوا اللي يفضل منهم في النص.
احمد زكي جسد الشخصية دي في فيلم البريء لما عمل شخصية احمد سبع الليل و الفيلم ده بيبين إن سهل جدا اقناع أي واحد جاهل بإن المخالف لرأي النظام هو خاين و عدو للدولة.
السيسي لازم يربي اجيال جديدة من الكلاب المخلصة ليه و لنظامه بس بشرط يكونوا بدماغ فاضية عشان يملاها هو براحته و يطلع للبلد دفعات جديدة من احمد سبع الليل كل هدفهم حماية نظام السيسي من أعداء الدولة اللي بيطالبوا بحاجات وحشة زي تطبيق القانون و تحقيق العدل والمساواة بين الناس و محاربة الفساد.
#احمد_سبع_الليل_لسة_عايش
No comments:
Post a Comment